علق المطرب علي الحجار، بشأن الصلح بينه وبين المطرب مدحت صالح، بعد الخلاف الأخير بينهما والخاص بفكرة مشروع الأساتذة.
وقال الحجار، خلال مداخلة هاتفية ببرنامج الستات عبر قناة النهار، اليوم، : “نقعد مع بعض إزاي مش فاهم؟! حد ياخد فكرة مشروعي اللي بقالي سنين عايز أعمله زي ما هو كده، ويروح يعمله، وبعد تقعدي معاي وتقولي له معلش يا حبيبي شكرًا”.
وتابع :”إحنا مش عيال صغيرة اتخانقنا في الشارع، الموضوع مش كده، تخيل نفسك بتعمل رسالة دكتوراه بقالك سنين وتعبان فيها، وفجأة واحد تاني ياخد نفس الرسالة ويسميها اسم تاني”.
وأضاف : ” أن مدحت صالح فنان كبير ومهم لكن فكرة مشروعه الأستاذة هي فكرتي من الأساس وكانت باسم “100 سنة غنا”، هو يعرف ذلك جيدًا”.
وتابع: “أنا عايز مدحت صالح يطلع يتكلم، يبرأ نفسه من إنه هو أخذ مشروعه، هو دايما بيقول إن على الحجار أستاذي، يكلم أستاذه بقى، إحنا ما نتساواش ببعض، أنا بحب صوته، لكن محدش عند 3 آلاف أغنية، محدش عمل 121 مسلسل، محدش عنده التنوع اللي عندي، أنا أسف الناس هتفهم إن ده غرور، ولكنها حقائق”.
