علق المؤلف عمرو محمود ياسين على بكاء لاعب النادي الاهلي مؤمن زكريا في عرض مسرحية “علاء الدين”، بعد تحية كاست العمل له.
وقال “في جمهور كتير النهارده بعد صورة مؤمن زكريا مع احمد عز بيدعيله و متعاطف معاه اهلاوية و زمالكوية ..
من الجمهور ده هتلاقي من وسطهم اعداد كبيره جدا قبل كده استحلت سب مؤمن واستحلت التنمر عليه هو وغيره من الشخصيات العامه. ..بيصل السب الي مرحلة توجيه الاهانات بالأب و الأم .. واحيانا الخوض في العرض”
وتابع :”طيب امتي نعرف أن الحياه مش مستاهله و ان محدش يستحق اننا نهينه و نجرحه قوي كده لمجرد انه معروف او عمله بيعرض ع الناس ..امتي نفرق بين النقد والاهانه …الانسان مخلوق ضعيف جدا والله مهما بلغت قوته وشهرته
(اكيد في ناس جلدها تخين ) واكيد في ناس مجرمه. بس مش دول طبعا اللي بتكلم عنهم “.
وتابع :”انا بلفت نظر نفسي و نظركم ان من الضرورة دايما نحاول ان نستبدل بداخلنا طاقة الكراهية بطاقة الحب..وان نغلب احساس الرضا. ع احساس الحقد و الحسد ….كلنا غلابة والله .. وبجد الدنيا مش مستاهله. نجبر بخاطر بعض احسن والله ..و شكرا احمد عز ومجدي الهواري على اللفته الانسانيه الطيبه “.
