شهد ظهور الفنانة مونيا، الشهيرة بشخصية «ألفت» الزوجة الرابعة في مسلسل «عائلة الحاج متولي»، مفاجئة لجمهورها بعد غياب سنوات عن الساحة الفنية.
وكانت حلت مونيا، ضيفة برنامج «الستات ميعرفوش يكدبوا» على شاشة قناة «سي بي سي»، وكشفت عن أسرار حول حياتها الشخصية وموافقتها بأن تكون زوجة تانية.
وقالت مونيا : «في زواجي الأول كنت زوجة تانية، وبشوف أن الزوجة التانية لها حقوق زي كل الزوجات، ونظرة المجتمع والحكم بيكون مش صح، لو رجع بيا الزمن أنا راضية بنصيبي، لأن ده نصيب وقراري هو قراري، هي مشكلة لازم المجتمع ينظر لها بشكل مختلف، في أمهات كتير بتقول أنا بنتي جوزها ميجوزش عليها، لكن الظروف مختلفة، ومش كل حالة زي بعضها».
وعن شروطها في الزواج، قالت : «كل حالة فريدة من نوعها مينفعش نعممها، ولو واحدة حاسة أن الموضوع أزمة أو الست مطلقة أو أرملة متقدم لها رجل متزوج المفروض عشان متبقاش جارت على حق مش حقها، تسأل الزوجة الأولى ويبقى شرط ميكونش مخبي.
وتابعت : “وأنا جربت كنت زوجة تانية وزوجة أولى، وأنا اتفاجئت أن في زوجة تانية واتصدمت فعلًا، لأن مكانش عندي علم، ولما قولت خلاص عشان في طفل وفي عشرة، الزوجة التانية كانت رافضة وجودي، وهو طلقني على الواتساب بسبب كده، فهي حالات بتختلف”.
يذكر أن مسلسل «عائلة الحاج متولي»، عُرض لأول مرة عام 2011، أي منذ 22 عامًا، ويعتبر من أهم أعمال مونيا.
