ازمة شديدة وانتقادات حادة يمر بها محمد سامي مؤلف و مخرج مسلسل نسل الأغراب ، خاصة بعد قرار الشركة المتحدة للخدمات الإعلامية بمنع التعامل معه ، ولم يتم الإعلان عن تفاصيل الخبر حتى الآن .
انتشرت العديد من التغريدات والكتابات للجمهور والفنانين على صفحاتهم على مواقع التواصل الإجتماعي ، منهم من فرح بهذا القرار ، ومنهم من رفض القرار واعتبرها حملة على محمد سامي .
ولكن ظهرت الفنانة مها أحمد بموقف مختلف وظهرت وعلقت على أزمتها مع المسلسل ككل ، وهاجمت المسلسل و هاجمت أبطاله بطريقة غير مباشرة أحمد السقا ، أمير كرارة ، مي عمر .
وكتبت مها أحمد على صفحتها على الفيس بوك قائلة : “عوضي على الله دى الجملة اللي دايما بقولها لما اتصدم فأشخاص ،الحكاية يا سادة نجمين عملوا ، واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أي زميلة لهم اقربها أنا”.
وأضافت : “النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتي الفنية وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(ندل) اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه”.
وتابعت كلامها : “طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعاية الدراما كامله لصالحها وهما (مخدماتيه للاستاذه) .يمهل ولا يهمل ابدوا من جديد يا اوفر تمثيل ياللى مبتقروش ياكمبارس جنب النجمة ، نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. ( عوضنا على الله ) ، يارب متحوجنا لحد حتى ولو كان اقرب الناس لينا “.
