تصدرت خلال الساعات الماضية أخبار طلاق منة عرفة وزوجها محمود المهدي مواقع البحث والتريند المصري ، خاصة بعد نشر الزوجان ستوري عبر حسابهم على موقع إنستجرام يعلنان فيها الخبر ونشر الأزمة ومشاكلها الأسرية أمام الجمهور.
وقالت والدة منة عرفة في تصريحات خاصة أنه تم الصلح بين ابنتها وزوجها مؤكدة أن الخلافات كانت بسيطة وتم الصلح بين الطرفين ، قائلة : “الخلاف كان بسيط جدا والحمد انتهى على خير”.
وقالت منة عرفة خلال استوري نشرتها على حسابها على موقع إنستجرام : “من أصعب اللحظات الي ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا”.
وتابعت كلامها : “خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا ، قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية “.
وأضافت : “الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي”.
واختتمت كلامها قائلة : “ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحمونا حرام عليكم”.
