أهل الفنأهم الأخبار

بعد ظهوره في موسى .. أحمد سعد لـ سمية الخشاب : أنا بحب خطيبتي وبلاش حركات من تحت لتحت

يتصدر مسلسل موسى التريند المصري والعربي منذ يومين خاصة بعد الحلقة 21 و الحلقة 22 ، وذلك بعد ظهور أحمد سعد في فرح سمية الخشاب و محمد رمضان في مسلسل موسى ،بسبب تجربة الزواج السابقة للثنائي أحمد سعد و سمية الخشاب .

وكشف سعد عن ظهوره وصرح في تسجيل صوتي لبرنامج MBC Trending ، ووجه الشكر في البداية  وقال ” عايز أشكر صديقي العزيز محمد رمضان ومبسوط انه عزمني في فرحه على سمية ، وكنت هزعل أوي لو مكنش عزمني في مناسبة سعيدة جدا زي دي، ومقدرش أتأخر وجيت على طول أول ما كلمني عشان أغني في الفرح “.

 

وعن كواليس المشهد قال أحمد سعد إن اليوم كان عاديا وأنه قابل سمية الخشاب في الكواليس مضيفا “اليوم كان حلو ومر بسلام قابلت سمية وسلمت عليها وسلمت عليا وهزرنا وضحكنا بس فوجئت بأنها قالت على : رزق وجاله ومقدرش امنع رزق حد ، مؤكدا أنه حضر مجاملة للفنان محمد رمضان و لم يتقاضى أي أجر .

أما عن ردود الأفعال حول المشهد الذي أثار ضجة كبيرة على مواقع التواصل الإجتماعي ، قال أن الردود كانت مضحطة جدا وأنه سعيد بها ، حتى وإن طالته بعض الشتائم بسبب علاقته السابقة بسمية الخشاب ، وأضاف : ” الناس كانوا مستمتعين ، وده عشان استغربوا الموقف ، زي مانا كمان استغربت اللي حصل ” .

وبالنسبة لصورة القرنين التي نشرتها سمية الخشاب و أصابت جدل كبير على السوشيال ميديا وأحدثت ضجة  ، وذلك لأن الجمهور ربط بينها وبين احمد سعد بشكل كبير ، قال : بلاش حركات من تحت لتحت هنفضل طول عمرنا نعملها عشان الناس تشوف حاجات وحشة .. لقيتها منزلة صورة وحشة ليا”، مضيفا ” أنا مبفكرش بالطريقة دي بفكر بطريقة عملية أنا خاطب دلوقتي وبحب خطيبتي ومعنديش خلافات مع سمية وبتمنى لها كل خير “.

مسلسل موسى من بطولة محمد رمضان ، سمية الخشاب، عبير صبرى، هبة مجدى، رياض الخولى، سيد رجب، صبرى فواز، منذر رياحنة، هبة مجدى، فريدة سيف النصر، عارفة عبد الرسول، أمير صلاح الدين، ضياء عبد الخالق تأليف ناصر عبد الرحمن، وإخراج محمد سلامة 

مقالات ذات صلة

زر الذهاب إلى الأعلى