حل الكابتن أحمد برادة لاعب الاسكواش ، والذي عرفه الجمهور من خلال فيلم حب البنات مع الفنانة ليلى علوي و حنان ترك ضيفا على برنامج ” كلام الناس ” مع ياسمين عز على قناة mbc مصر الفضائية.
وقال برادة خلال البرنامج : ” فكرت اني اكون مسئول عن عمال وكدة الموضوع كان صعب عليا جدا في البداية وكان كبير عليا جدا ، ومنذ خمس سنين اتعرضت لوقعة كبير جدا أثرت عليا ، الى ان عرفت صديقي هاني المصري وتعرفت عليه وأصبح شريكي في كل شئ ، وعملنا شركة برادة للمقاولات “.
وتابع كلامه : ” كنت بروح للمقاولين عشان أخد منهم شغل ومكنتش بتكسف ، وكان باخد منهم شغل واسمي خدمني جدا لان الناس كانت عارفاني احمد برادة لاعب الاسكواش ، وحب الناس نعمة كبيرة جدا”.
وعند سؤاله عن الفرق بين الفن والبيزنس وتجارة الخردة وما هو المربح منهم ، قال “الخردة أكثر ربحا من الفن ، ومعرفش ثروتي كام لاني مش بهتم بالفلوس ولكن بهتم بالنجاح أكتر، وكل الفلوس اللي عندي بشتري بيهم ماكينات للشغل”.
وكان آخر ظهور للكابتن احمد برادة في عالم الفن من خلال ألبوم غنائي قدمه عام 2004 ، وفيلم ” حب البنات ” مع النجوم ليلى علوي و حنان ترك و احمد عز و هنا شيحا و عبدالرحمن أبو زهرة.
