انتهت اليوم حلقات مسلسل في بيتنا روبوت وتم عرض الحلقة العشرون والأخيرة ، وحقق المسلسل نجاحا هائلا طوال فترة عرضه وتصدر التريند المصري ، وأحبه الجمهور وخاصة الأطفال .
ونشرت دنيا سامي صورة لها مع هشام جمال بعد انتهاء المسلسل وعلقت عليها قائلا : “مع عرض اخر حلقة من المسلسل عايزة اشكر اهم شخص ف نجاح العمل ده ونجاح اي حاجة بيكون موجود فيها ومن اكتر الناس اللي شفتها مخلصة ف شغلها وبيجي ع نفسه حتى لو تعبان عشان يطلع احسن حاجة “.
وتابعت قائلة : “حقيقي مش عارفة اقولك ايه ع حجات كتير اووووي اهمها انك آمنت بموهبتي وادتني فرصة كنت هقعد كتير عشان حد يتجرأ ويديها لممثل لسه بيبتدي وثقتك فيا اني هكون قد الفرصة دي ويارب اكون شرفتك وخرجت ولو جزء صغير من اللي ممكن اقدمه ، مش لاقية كلام اقوله عشان مفيش اي حاجة هتديك حقك بس عايزة اشكرك قدام كل الناس على كل حاجة حلوة واحلام بتتحقق انت اهم اسباب تحقيقها وطاقتك اللي طول الوقت بتشجعني اكون احسن ، يارب اكون قد المسؤلية واشرفك دايماً .. شكراً على كل حاجة حلوة انت سبب فيها “.
مسلسل ” في بيتنا روبوت ” من بطولة شيماء سيف ، و عمرو وهبة ، ليلى أحمد زاهر، هشام جمال، دلال عبدالعزيز، ومن تأليف أحمد محيي و أحمد المحمدي وإخراج وليد الحلفاوي ، ويعرض على شاشة cbc من السبت الى الأربعاء في تمام الساعة الثامنة مساءا.
