أعلن الفنان أحمد العوضي عن تدهور الحالة الصحية لزوجته الفنانة ياسمين عبدالعزيز ، وذلك بسبب خطأ طبي أثناء إجراء عملية جراحية دقيقة جدا داخل إحدى المستشفيات بمنطقة المعادي.
وكتب العوضي رسالة مؤثرة لياسمين على صفحته على الفيس بوك قائلا : “يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه”.
وتابع كلامه : “انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك”.
وأضاف : “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي “.
واختتم كلامه بطلب من الجمهور بالدعاء لها قائلا : “انا بحبك ..ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.
وشارك العوضي ياسمين في موسم رمضان الماضي من خلال مسلسل “اللي ملوش كبير” وهو من بطولة ياسمين عبدالعزيز ، أحمد العوضي ، خالد الصاوي ، دينا فؤاد ، خالد سرحان ، أحمد سعيد عبد الغنى، و دنيا عبد العزيز ، محمود ياسين ، ايمان السيد ، وإنتاج شركة سينرجي ، ومن تأليف عمرو محمود ياسين ، وإخراج مصطفى فكري .
