سارة نخلة: افلام يوسف شاهين مكنتش بتجيب إيرادات

علقت الفنانة سارة نخلة، على أفلام موسم عيد الأضحى لعام ٢٠٢٣ خلال برنامجها “فيس أوف”، الذي يعرض على شاشة قناة هي.

وقالت سارة نخلة : “فى حاجة غريبة بتحصل مع كل فيلم، بيبقى في تنافس بين المنتجين في الايرادات، وبعض المنتجين بيشوفوها مقياس للنجاح، كل منتج بيقيم فيلمه على أنه نامبر وان وأعلى ايرادات، يا جماعة مين الأول ومين التانى؟!”

وتابعت: ” الايرادات مش مقياس لنجاح الفيلم، زمان فيه منتجة اسمها آسيا داغر وعملت افلام كتير اوي، وفى فيلم الناصر صلاح الدين ساعتها حطت فيه ميزانية كبيرة اوي وكان من إخراج الراحل يوسف شاهين ولكن الفيلم ده محققش ايرادات واتشال من السينما ولكن دلوقتي هو من أهم ١٠٠ فيلم فى تاريخ السينما المصرية أو السينما ككل، الفيلم ماجبش زي ما اتصرف عليه ولكن فضل رمز وعاش سنين وسنين”.

برنامج “ FACE OFF” تقدمه سارة نخلة على شاشة “هي” يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.
https://fb.watch/lA6BKYSPoW/?mibextid=Nif5oz