مين فينا بقي مبيحبش المكرونات بكل انوعها وخصوصا النجرسكو طريقتنا نجرسكو باالاستربس والمدخن التركي يعني طعم مختلف غير ال اتعودنا علية
المقادير:
استربس
1/2 كيلو مكرونة فوتوتشيني
معلقتين زبدة
معلقيتن دقيق
1/2 لتر لبن بارد
ملح وفلفل اسود
جبنة موتزريلا
فلفل هالبنيو وزيتون
طريقة التحضير:
نقلي الاستربس علي نار هادية علشان تستوى كويس،لما يتحول لون الاستربس لدهبي هنخرجة من الزيت ونقطع الفراغ لقطع صغيرة ،هنجيب نص كليو المكرونة ونسلقها وطبعا مننساش الملح عليها في السلق،هتنزلي من عليها المية وبعدين تيجي للبشاميل بقي ، معلقتين زبدة كبار وعليهم معلقيتن دقيق وتقلبي لحد ما يوصل للون الدهبي كدا،تنزلي بعدها بنص لتر لبن بارد وتقلبي واحدة واحدة ، وتضيفي ملح وفلفل اسود هتخلي قوام البشاميل خفيف وتضيفي الجبنة الموتزريلا وتقلبي لحد ما الجبنة تسيح تماما وترفعي البشاميل من علي النار، هتحضرى الصينية البايركس وتحطي طبقة مكرونة وطبقة استربس قطع وزيتون وتزودى الحرارة بفلفل هالبينو وطبقة تركي مدخن ورشة جبنة موتزريلا وطبقة مكرونة تانية وبعدها الاستربس والجبنة والزيتون والهالبينو وفي الاخر هتنزلي عليها بالبشاميل ورشة جبنة عليها وتدخليها الفرن ربع ساعة وبالف هنا قلبك .
