طرح النجم عمرو دياب أغنيته الوطنية الجديدة والتي تحمل عنوان “يا بلدنا يا حلوه”، والتي يغني فيها لمحافظات مصر بالكامل ، وحققت الأغنية في الساعات الأولى من طرحها ما يقرب من ربع مليون مشاهدة.
وكتب مؤلف الأغنية عبر صفحته :الحمد لله على ردود أفعال (الناس الحلوة) فى كل مكان فى بلدنا الجميلة بناسها الطيبة البسيطة من شرقها ل غربها ل شمالها ل جنوبها كنت أتمنى أقول مكان مكان وكل شبر فى البلد والله عشان
العالم كله يشوف جمال مصر وناسها حاولنا على قد ماقدر تجميع أبرز الأماكن أو المحافظات المترابطه القريبه لبعض اللى تمُثل قطاع أكبر من الناس سواء فى وجه قبلى أو بحرى كلهم أماكن عظيمة نتشرف بيهم”.
وتابع:”بس دى (أغنيتنا كلنا) ودعاية محترمة لبلدنا العظيمة بعد الكورونا وكل الظروف اللى بتمر بيها بلدنا الغالية
كل فنان قام بدوره على أكمل وجه عشان يقدم مصر وناسها الطيبين فى أجمل صورة مصر اللى مفيهاش عنصرية فيها البيض زى السُمر والمسلم اخو المسيحى وكل المشاهد الإنسانية والروحانية اللى بنشوفها فى بلدنا مع الناس الأصيله من كل فئات المجتمع المصرى وحاولنا نجسد الروح الحلوة اللى ف شوارعنا وأحياءنا وبيوتنا والأماكن المصرية الأصيلة وعاداتها وجمالها”.
