تذكر النجم الشاب محمد علي رزق موقف إنساني للراحل محمود ياسين الذي توفى صباح اليوم.
وقال عبر حسابه :”يوم تخرجي من أداب مسرح..كنت بعمل دور رجائي باشا في مسرحية “الناس إللي تحت”…و أستاذي و مخرج المشروع هشام جمعه عزم الأستاذ محمود ياسين ..و الصدفه الحلوه ساعتها إن الأستاذ محمود كان بيعمل بروڤات علي مسرحية الناس إللي تحت.. و كان بيعمل دور رجائي باشا مع الأستاذ سمير العصفوري…لكن للأسف العرض مكملش بعد كده…بعد العرض نزلت علشان أحضن أمي فرحان بعد العرض و الدكاترة و الناس كانوا مبسوطين مني أوووي و بقولولي كلام حلو”.
وتابع :”فأمي من الفرحه بيا عيطت..جيه الأستاذ محمود يس و قالها بتعيطي ليه…إبنك جميل…و بصلي و قالي أنت حكايه يا رجائي و مدام دي بدايتك أنت قدام هتكون حاجه كبيييره أوي..و سلم عليا و مشي..الله يرحمك يا أستاذ محمود و يحسن إليك”.
