أكدت الفنانة لبلبة أنها لم تتزوج نهائيا منذ أن تزوجت مرة واحدة في بداية حياتها من الفنان حسن يوسف وهي في السابعة عشر من عمرها .
وصرحت لبلبة من خلال لقائها في برنامج باب الخلق مع الإعلامي محمود سعد قائلة : “بعد ما حصل خلاف انفصلنا عن بعض ، وركزت في الفن واديت حياتي كلها ليه ، وفي اتنين حبوني وكانوا عايزين يتجوزوني، ولكن مقبلوش استمراري في مجال الفن ، الاتنين قالوا إزاي مراتي تروح تصور وعادل إمام يحضنها، طيب يا عم مش هنخلي حد يحضن، لقيت إنه مش هينفع أتجوز حد لا يتذوق الفن”.
وتابعت قائلة : “ورغم إني حبيت واحد فيهم وكنت عايزة أتجوزه إلا إني قررت إنه مش هينفع وكل واحد له طريق مختلف وقلت له روح كوّن أسرة لأن أنا بحب الفن ، وبعدها العمر جري والفن سرقه ، لكن مش ندمانة على قرار عدم جوازي مرة تانية”.
وعن الفنان عادل إمام قالت : ” الناس حبونا مع بعض، وأنا بحبه أوي ومعه بحس بنجاحي ، ولما بشتغل معه بسيب نفسي، وهو واخد باله من كل حاجة، أنه امتى أتكلم، ولما بشتغل معاه عينى على عينه وبقه ، بقيت أفهمه من غير ما يتكلم “.
من الجدير بالذكر أن آخر أعمال لبلبة مع عادل إمام كانت مسلسل “مأمون وشركاه”، وشاركهما البطولة مصطفى فهمي وشيرين وكمال أبو رية وخالد سليم وخالد سرحان وتامر هجرس وريم مصطفى ،وهو من تأليف يوسف معاطي، وإخراج رامي إمام.
