تعرض الفنان الشاب يوسف عمر نجل الفنانة لبنى ونس لإصابة كبيرة وحروق في جسمه أثناء تصويره أحد الإعلانات مع الفنان محمد رمضان بسبب لعبة ” free fire ” .
وأعلن الفنان محمد رمضان أمس الجمعة ، إصابته بإصابة خطيرة خلال التصوير لرمضان المقبل ، من غير الكشف عن التفاصيل والأسباب التي حدثت في الواقعة ، وكتب على صفحته على الفيس بوك : ” “الحمد لله وقدر الله وما شاء فعل، إصابتي كانت شديدة أثناء تصوير النهارده ولكن الحمد لله الأهم إن الشغل يوصلكم حقيقي وكله في حبكم يهون، ثقة في الله نجاح دائما أبدا، رمضان يجمعنا” .
وعلقت الفنانة لبنى ونس على صفحتها على الفيس بوك : “إذا عملنا كل حاجة طبيعية وحقيقية كنا هَلَكنا، ولا تُلقوا بأيديكم إلى التهلُكه. يعنى إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك! في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المِحور والكل يدور حوله”.
هل ممكن تتعرض لما حدث لابني في التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللي عاجبك بتوافق عليه واللي مش عاجبك بتغيره ، يعنى القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟! أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله في حبكم يهون !”.
وتابعت : “بس أرجع وأقولك ابني ربنا هايجبله حقه من اللي اسمه عصام الوريث ده اللي ميعرفش أبجديات عمله اللي بيستبيح حياة الشباب عشان يحقق الطبيعية المزعومة، الغلط اللي حضرتك بتتكلم عنها حق ابني إن شاء الله هايرجعله مش هاسيبه عشان يبطل سي الوريث ده أنه يستهين بحياه الناس، سؤال بقى لما نموت سيادة النجم هايندفن فين؟ الديان والعدل والحق موجود واعتمدنا عليك يا رب”.
من الجدير بالذكر أن محمد رمضان يواصل حاليا تصوير مشاهده في مسلسل موسى وهو من بطولة سيد رجب، ورياض الخولي، وسمية الخشاب، وهبة مجدي، ومنذر رياحنة، وإيمان العاصي، وعارفة عبد الرسول، وضياء عبد الخالق ، وهو من تأليف : ناصر عبدالرحمن ، ومن اخراج محمد سلامة .
