حرصت الفنانة ليلى علوي على تهنئة الجمهور بيوم عرفة، وعيد الأضحى المبارك 2020، ونشرت صورة للكعبة عبر حسابها على انستجرام.
وكتبت ليلى:”لبيك اللهم لبيك.. لبيك لا شريك لك لبيك…ما أجمل التلبيه والتكبيرات وإحنا بنرددها وبنسمعها وبنحس بيها ف كل حتة من روحنا وبنستحضرها كل ما بيقرب العيد، ويوم وقفة عرفة العظيم اللي بنستناه كل سنة علشان نجتهد فيه بالابتهال إلى الله و الدعاء بالرحمة والعفو والرزق والمغفرة”.
وتابعت:”ومن السنة للسنة بنستنى طعم اليوم ده وريحته وإحساسه.. صحيح قضاء ربنا السنة دي إن ناس كتير مايقدروش يكونوا موجودين في بيته الحرام بسبب الظروف الحالية لكن أملنا إن ربنا يستجيب الدعاء ويزيح الكرب والبلاء ونرجع نقف على عرفات السنة الجاية من جديد.. كل سنة وأنتم طيبين وبصحة وخير ومبسوطين ومتطمنين على حبايبكوا ومتونسين بيهم.. وقفة مباركة وعيد أضحى سعيد”.
