أعلنت الفنانة ميرهان حسين، عدم اعتزالها الفن، وذلك عبر حسابها الرسمي على موقع تبادل الصور والفيديوهات “إنستجرام”.
وعلقت ميرهان، قائلة: “أولاً وحشتوني جدًا، وآسفة إني اختفيت عنكم الفترة دي، واختفيت عشان أرجع أحسن من الأول، بجد مش عارفة أشكركم ازاي على حبكم واهتمامكم اللي شوفته الفترة اللي فاتت”.
وأضافت: “شكرًا لكل أصحابي وأهلي زمايلي والناس اللي بتحبني وفعلاً لولاهم مكنتش هعرف أعدي الأيام اللي فاتت دي، وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب”.
وتابعت: “مكنتش في أحسن حالاتى ولكن بوقفتكم جمبي ودعمكم ليا رجعت أحسن وإن شاء الله الأيام الجاية تكون الأحلى وأحسن في حياتي”.
