حكت النجمة نادية مصطفى عن تجربتها مع فيروس كورونا الذي أصيبت به، وكتبت عبر فيس بوك :”الحمد لله اللذى بنعمته تتم الصالحات..بعد عزلى ١٦يوم وتأكدى بعد ٣ تحاليل اخرهم كان تحليل اليوم وإطمئنانى على نفسى بإنى خفيت .. أستطيع أن أخبركم بإنى عشت الأيام اللى فاتت فى رعب بعد ظهور أعراض كورونا”.
وتابعت :”الحمد لله حمداً يليق بچلال وجهه وعظيم سلطانه ومهما شكرته مش هوفى..وشكراً جزيلاً لإهتمام د. حسين جعفر واللى تابع معايا بكل حب واهتمام اول بأول وكان هو اللى بيتصل بيا علشان يطمنى لانى كنت فى البدايه منهاره
وشكراً جزيلاً لإخواتى وعشرة عمرى الغالى هانى شاكر وتوأم روحه وروحى نهله حبيبتى قلقتهم..وشكراً استاذ علاء عامر وسؤالك عنى طول الوقت”.
وأضافت :”شكراً لله لإنه رزقنى بأولاد برغم وجودهم بعيد بس كانوا معايا ٢٤ ساعه على zoom وBotim فهونوا عليا العزل ورفعوا من معنوياتى ..وشكرا كتيييييييير أوى بأه لشريك حياتي اللى تفانى فى خدمتى واهتم بأكلى .. ودايما كنت بلمح فى عينه الرعب..بس هموت واعرف هو كان مرعوب عليا ولا مرعوب من كورونا بهزر والله..ربنا يديله الصحة ويخليهولى وبجد تسلم الشده اللى بتبين معدن الإنسان..ويااااارب يخلصنا من الرعب اللى احنا فيه ويزول هذا الوباء عاجلاً وليس أجلاً بقدرة كن فيكون .. ويحميكوا جميعاً ويحفظكوا من كل شر”.
