تحدثت نوليا عن سبب عدم رغبة الأبناء في وجود والدهم في البيت، مؤكدة أن سلوك الأب له عامل كبير بجانب تأثير السوشيال ميديا التي فرقت شمل العائلة.
وقالت نوليا في برنامجها “من غير نفسنة”، الذي تقدمه مع الفنانة انتصار وبدرية طلبة، عبر شاشة قناة “هي”: راجل عن راجل يفرق، وست عن ست تفرق، وجيل عن جيل يفرق، الأب دلوقتي عايز يدخل البيت مراته لسة جايبة تؤام مش عايز يسمع عياط ودوشة، والبنت بتكون متوترة ومش عارفة توفق وبيحصل كتير تصادم، وعلشان كده دايمًا بيحصل مشاكل في أوي سنتين جواز، وده بالنسبة للأب والأم.
وتابعت: الأولاد دلوقتي مبيحبوش وجود أبهاتهم في البيت، ولكن زمان مكنش عندنا سوشيال ميديا ولا كان كل واحد حابس نفسه في أوضة، كانوا بيجمعونا، وقتكم غير الوقت ده، النهاردة ابني عايز يخرج مع أصحابه، وأنا زمان عمري ما كنت أخرج لوحدي، كان والدي يبقى معايا وكان بيقعدني على رجله وأنا صغيرة نتفرج في المسرح على مسرحية ريا وسكينة.
وأضافت: ولكن الراجل النكدي أنا مستحملش قعدته في البيت، ولما سننا بيكبر معرفش ليه بيحصل مشكلة بينا وبين رجالتنا، والخُلق بيضيق.
“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
