عبير الشيخ : إحنا في خطر حقيقي والذكاء الاصطناعي ممكن يعمل أي حاجة

 

 

 

علقت الإعلامية عبير الشيخ، على ظاهرة الذكاء لاصطناعي، معربة عن استيائها بسبب الاستخدام الخاطئ له.

 

وقالت عبير الشيخ في حلقتها في برنامج ساعة عصاري، عبر شاشة قناة هي: “تخيل تبقي قاعد علي النت في يوم عادي جدا، تلاقي فيديو ليك وانت بتقول حاجة ملهاش علاقة بيك ولا إتكلمت عنها قبل كده ولا الكلام ده يمت لأفكارك بصلة، والفيديو صوت وصورة يعني لو قولت لحد أن ده مش أنا، محدش هيصدقك”.

 

واضافت الشيخ :” تخيل تشوف إبنك أو زوجتك أو أختك ليهم فيديوهات بيقولوا فيها أي حاجة مش مناسبة ليك ولا لمجتمعك، إحنا بقينا في خطر حقيقي، و ده لإمتلاكنا سلاح ممكن نستخدمه في آلاف الحاجات اللي تفيدنا، وممكن نستخدمه بطريقة تضرنا، أنا بتكلم علي الذكاء الإصطناعي “.

 

وأضافت: الفترة الأخيرة بقينا نشوف فيديوهات لاشخاص إرتكبوا جرايم و إتسجنوا أو تم الحكم عليهم بالإعدام من سنين و هما بيحكوا قصتهم صوت وصورة، طب إزاي؟، طلع أن بمجرد وجود صورة للشخص و تسجيل قصير لصوته يقدر الذكاء الإصطناعي أنه يوفرلك الشخص ده وهو بيقول الكلام اللي انت عايزه، بقينا كمان نسمع أغاني مهرجانات بصوت عبد الحليم حافظ و أغاني حديثة بصوت أم كلثوم”.

 

وعن خطورة الذكاء الاصطناعي، فعلقت عبير الشيخ قائلة:”الموضوع شائك جدا، ولو إعتبرنا أن الفنانين ليهم حقوق في المواضيع المتعلقة بحقوق الملكية، طب هل الناس ليها حقوق ملكية علي صورها و صوتها”.

https://fb.watch/lM9v5oPiSb/?mibextid=Nif5oz