وكتب مؤلف العمل عبر حسابه على فيس بوك “أنا دماغي بتلف من ساعة ما عرفت خبر اختيار “سعاد” للمسابقة الرسمية في “كان”!، “سعاد” هو أول فيلم سينما أكتبه فعلياً وأقرب فيلم لقلبي أشارك في كتابته”.
وتابع “فيلا ٦٩ كان المدخل للسينما، قبله مافكرتش أكتب سيناريو لحد ما محمد الحاج وآيتن أمين طلبوا مني أشارك في كتابة الفيلم، أغلب شغلي وقتها كان على الشخصيات وتطورها”.
وأضاف “إنما “سعاد” اشتغلت على السيناريو مع آيتن في الكتابة الفعلية من الصفر على مدار خمس سنين بنكتب ونعدل لحد آخر لحظة قبل التصوير..ومن ساعتها وبسبب سعاد السينما كلت دماغي وكتبت مشاريع تانية واشتغلت على سيناريوهات وأفلام منها اللي اتنفذ بس فضل “سعاد” المشروع اللي هاموت واشوفه بيتعمل واحنا في صراع على مدار سنين طويلة بنحاول نقدم في منح ونلاقي تمويل عشان الفيلم يخرج للنور زي ما احنا عايزينه بالظبط بالظبط من غير ما يتفرض علينا أي تعديلات أو نضطر نحط أفكار وتيمات مضمونة بتجيب تمويل ودعم، وبهدف واحد وحيد إنه يتعمل ويتشاف بس مش أكتر”.
