تسبب ظهور واحدة من فتيات “التيك توك” “دينا مراجيح”في غضب كبير على فيس بوك ، لكن خرجت الفنانة بسنت شوقي المشاركة في العمل على هذا الجدل.
وكتبت الفنانة بسنت شوقي عبر حسابها على فيس بوك “هو ايه الريأكشن الاوڤر ده فى موضوع دينا مراجيح؟!للعلم انا اصلا معرفش مين هيا بس من الواضح انها بتعمل فيديوهات على تيك توك… السؤال المهم اللى لازم يتطرح، هل عملت المشهد وحش؟! بالعكس!! كانت إن كاست جدا !!!”.
وتابعت “ليه الناس عماله تعنصر على البنت عشان هى من تيك توك ومغنية مهرجانات؟! تحبوا اقولكم كام ممثل شغال دلوقتى ابتدى موديل ؟ انفلونسر وبيتصور على انستاجرام؟ ابتدى فى اعلانات؟ اتشهر عشان عمل محتوى على يوتيوب، يعرف المنتج/المخرج”.
وأكملت “ناس عندهها علاقات وبتخلص ورق ومشاكل للمنتجين وشغالين؟ ناس عاملة فورمة الساحل وشغالة بيها بقالها سنين؟ ناس مخرجين و مخرجين مهمين كمان اكتشفوهم و اول مرة يمثلوا ادوهم بطولات!!! اشمعنى يعنى المرة دى خريجى المسرح صعبانين عليكم؟!”.
وأضافت “ده مشهد .. يعنى فيه مخرجين ومنتجين بيجيبوا بتوع البوفيه ولا حد من الانتاج / الاخراج/ الاضاءة لو شكلهم او شخصيتهم لايقة يعملهوه عادى for fun و لتوفير الفلوس..متبقوش ضيقين كدة”.
