كتبت حفيدة الفنانة الراحلة رجاء الجداوي كلمات مؤثرة عن جدتها الراحلة، التي توفيت بعد صراع مع فيروس كورونا المستجد.
وقالت رضوى عبر صفحتها “هيوحشني أني أدخل أوضتك فجأة وأقولك “امتحان مفاجئ هاتي السكريبت ” و أسمعلك ونقعد نضحك لحد لما ندمع هيوحشني أني أدخل عليكي وأقولك “ملكيش نفس تتغلبي في دورين كوتشينة يا جوجا.. وكالعادة طبعا بتقطعيني”.
وتابعت :”أضافت “هيوحشني أني أكون نايمة والاقي مامي داخلة عليا تقولي الحقي أنا نزلت Story أو طلعت live أو أي كارثة من الكوارث التانية بتعتك نجري أنا و مامي على أوضتك و تقوليلنا جملتك الشهيرة مالو التيليفون أبو قرص هيوحشني أني أقعد اتفرج عليكي وأتعلم منك هيوحشني تريقتك مع صحابي “.
وأضافت “هيوحشني خفة دمك و كرمك وأخلاقك وتسامحك هيوحشني أنك تفهميني وتناقشيني وتساعديني وتديني رأيك”.
