أهل الفن

قلوبنا معاه.. مجدي الهواري يعلق على بكاء مؤمن زكريا على المسرح

علق الفنان مجدي الهواري على تكريم مؤمن زكريا من قبل اتحاد الكورة في مباراة اليوم التي تجمع الاهلي والزمالك بعد احتففاء نجوم مسرحية علاء الدين به وبكاءه.

وقال مجدي الهواري :”صباح الخير .. في كلمتين من قلبي عايز اقولهم ياجماعة.. الانسانية الحقيقة انا متفأل لان الناس لسه عندها استعداد تتحمس وتشارك وتتفاعل مع اي حاجة فيها فعل اوعمل انساني ، بس مستغرب ان بعض الناس شايفة الموضوع جديد علي الفن .. لا خالص ! ياجماعة ده هو ده دور .. لانه ببساطة هو الحياة  والحياة من غير الانسانية مش حياة .. ياريت نتذكر ان رسالة الفن مش بسيطةوسهلة زي مابعض الناس فاكرة”

وتابع :”لا دي ضرورية ومهمة جدا لانها بختصار واجبة الحدوث ..وبتحرك قلوب . ومسئولة عن اسعاد الناس وتقديرهم ..والحمد لله اهو ..كان مبسوط امبارح وسعيد بالعرض وتكريمه يبقي كده جون لينا وعملنا واجبنا الحمد لله”.

وأضاف :”يعني بعد موقف امبارح اللي هو واجب علينا للنجم مؤمن زكريا لما اتحاد الكورة يقرر يعمل ممر شرفي له في مبارةالقمة النهارده بعد اللي حصل امبارح !! سوء هو يقدر ولا ظروفة الصحية تمنعه !
كده احنا عملنا دورنا .. ده دور الفن ياجماعة بس اللي يفهم “

وأكمل : “الحراااااق مؤمن  حبيب القلوب واللي بتحبه جماهير الزمالك  قبل الاهلي  لانه خلوق .والله ده اقل حاجة نقدره بيها . قلوبنا معاه كانت بتتقطع امبارح . ربنا يشفيه ويرجعه تاني يمتع جمهوره وكلنا ندعيله  ارجوكم”.

واختتم كلامه :كل فرقة علاء الدين امبار ح كانت بتعمل دورها في المجتمع برسالة حب من الفن المصري الي الانسانية .. اطمنت اننا لسه عايشين والله ياجماعة لما الناس قامت تصقف ربع ساعة علشان بتقدر مؤمن زكريا وقلوبها معاه حاجة جميلة من جمهور واعي مثقف محب للفن ويقدر الاخر الفنان في كل المجالات تحياتي له.. شكراً فرقة علاء الدين ربنا يجعل ديماً قيمة الانسانية في قلوبكم وتكونوا ديما سفراء.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق