أهل الفن

جيلان علاء عن جريمة فتاة المعادي: ربوا عيالكوا يا جماعة

علق الفنانة الشابة  جيلان علاء على جريمة فتاة المعادي وكتبت :”أيه ذنب بنت تموت عشان شوية ولاد مشافوش ٣ دقايق رباية ..تحرش و سحل و تموت؟؟؟؟!!! نهار إسود علينا و على عيشتنا!!!!طب حرام ولا مش حرام أسرة تفقد بنتها اللى عندها ٢٥ سنة عشان نزلت الشارع و مشيت فيه؟؟؟ جريمتها إيه و النبى؟؟؟”.
وتابعت :”هو أنا كبنت بتعاقب إنى بنت؟؟؟ أفضل خايفة طول الوقت و عارفة إنى معرضة لأى موقف يضايقنى أو يخدش حيائى عشان أنا زفت طين بنت..كأنهم بيدفعوكى تمن ان ربنا خلقك بنت..لابسة ولا قالعة..ملفتة ولا مش ملفتة..مش بنت؟؟ يلا نتحرش بيكى عادى عشان غرايزنا بس قالبة علينا و مش عارفين نتحكم فيها عشان إحنا شوية كلاب ..ربوا عيالكوا يا جماعة..أو متخلفوش لو مش هتعرفوا تربوا…و سيبوا إللى بيربى صح يعيش”.
وأضافت :”جريمة المعادى دى ضحيتها بنت دكتور محترم جدا كان بيدرسلنا فى الجامعة…أنا قلبى واجعنى و الله يا دكتور..قلبى معاك و مع كل حبايبه”.
و حددت الأجهزة الأمنية بالقاهرة، هوية 3 متهمين بعد تفريغ الكاميرات التي رصدت واقعة سحل فتاة بمنطقة المعادي للتوفى في الحال، وجاءت الجريمة بعد محاولة هؤلاء الشباب  التحرش بها .

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق