أهل الفن

زوجة رامي جمال تشيد بقصة “لازم أعيش”

اشادت المطربة ناريمان زوجة رامي جمال بمسلسل “إلا أنا” والذي تقوم ببطولة حكايته الحالية “لازم أعيش” التي تقوم ببطولته الفنانة جميلة عوض.

وكتبت :”حبيت اوى فكرة القصة دى واننا ابتدينا يبقى عندنا وعى لمناقشة الانواع دى من الدراما وتقديمها بالشكل دا واد ايه دا ممكن يوعى الناس بالنوع دا من الامراض اللى بتبقى عبء نفسى على صاحبها و اد ايه اللى حواليه ممكن يوصلوه لأنه يكره نفسه او انه يحبها ويتقبلها ودا دور الناس اللى حواليه ودور المجتمع فى تقديم دراما تفهم الناس دا لأن قبل كدا ناس كتير مكنش عندها فكرة عن المرض دا وكانوا بيتعاملوا بطريقة تأثر نفسيا جدا على صاحب المرض اللى طبعا جزء كبير منه نفسى ومناعى فا كان بيزود المشكلة”.

 

وتابعت :”بعد ما رامى اعلن عن مرضه بالبهاق جالى مسجات كتبر جدا من بنات سواء هى عندها المرض او زوجها او خطيبها وكانت بتسألنى مفروض اتعامل ازاى وبصراحة كنت بستغرب جدا ان لحد دلوقتى معندناش وعى كافي اننا نفهم ان دا مرض مناعى عادى جدا زى اى مرض لا هوا معدى ولا بيأثر على الشخص دا ف حاجة او ينتقص منه ف شئ ابدا وكنت بوضح انك مش محتاجة طريقة تعامل معينة لأن اصلا مفيش حاجة تستدعي دا وعلشان كدا مبسوطة اننا الفترة الجاية هنقدر نقدم النوع دا من الدراما للناس اللى معندهاش وعى كافى”.

 

وأضافت :”وممكن تسبب مشكلة نفسية للى قدامها من غير ما تحس واتمنى الفترة الجاية تقديم انواع مختلفة من القضايا اللى لحد دلوقتى محدش قدمها علشان نقدر نفهم نتعامل ازاى مع اللى حوالينا و ازاى انت فى المجتمع ممكن تبقى مؤثر على اللى حواليك بطريقة غلط من غير ما تحس فى طريقة التعامل عموما و انى كإنسان واجب عليا مكونش عبء او سبب فى جرح اى شخص بطريقة او بأخرى حتى لو الشخص دا مختلف عنى كل الاختلاف”.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق